非常感謝IV32082日出康城客人呂生、呂太對設計師Rive、設計師Mingyi及施工團隊的讚賞，客人表示幸好當初選擇了我們，但在我們看來能夠得到客人如此賞識才是我們的幸運！客人文中提及了整個裝修設計過程中的難忘時刻，字裡行間能看出客人對我們的信任及支持，我們亦十分高興！

是次工程不僅令客人收獲設計精美的家居，更令客人學懂滿滿的裝修知識，客人對此非常滿意，而能令客人滿意則是我們最大的收獲。設計情報中心會繼續不遺餘力，以「真誠」、「真心」為客人打造最理想的家居設計，讓每一位選擇我們的客人都能夠獲得與呂生、呂太相同的滿意感受。

客人讚賞內容全文如下：

「其實第一次要搞裝修真係無從入手！上網睇其他人嘅經歷，好多都爛尾/遲交樓/嚴重over budget/手工差/溝通唔黎等等……

我哋都好彩遇到Rive同明薏，首先我同佢哋講要整嘅部份，佢地會做一個budget 講解一下點做，方便逐樣數計。收樓之後度尺睇下有無野要改，可唔可以跟之前傾好嘅plan做。再當面傾每一個部份要點做，會傾到好detail，嗰幾次開會要傾2-3個鐘，確保我哋知道每一個部份要點整。之後收到一份3D圖，我本身對before and after 無咩idea睇完會明確好多。設計過程一定有啲野同現實有出入，Rive同明薏都要解釋比我地知，當中會有咩缺點有咩取捨。我地唔係時時上單位，佢地會定時update我地一次，到一啲時間會提我哋要準備咩，收樓前又會幫我地♥️call返煤氣，電器，潔具送貨收貨，唔好諗住凈係打電話，有樣電器遲左8日，佢地真係日日幫我追唔使我地撲黎撲去。

到收樓日，Rive，明薏連同2位師傅上黎驗收，唔係look 2 look就叫我哋簽收樓喎，我哋逐條邊逐個corner 咁check有問題即刻執好，當日DIC團隊食完lunch就到，執到7點幾先走，再逐樣item對，絕對唔會是是但但。當我地入住左發覺有小問題佢地都會好快跟進，唔係覆左叫跟進，真係會派有師傅上黎執，走之前師傅都會問：太太你吓得唔得。

我同老公都好滿意DIC嘅服務， 設計團隊會問我地生活習慣而調整傢俱，屋企嘅野又靚又實用，特色牆層次分明線條突出又易清潔，主人房大衣櫃有條子凹槽暗金邊，簡約而不簡單，呢啲都係設計師嘅專業。我不嬲都覺得裝修師傅好惡DIC師傅又無，當我問佢哋啲好technical 問題，佢地真係會講比我知有次我問油漆，我先知屋企用左咁多種油漆，唔同油漆有咩特性，唔識嘅以為得白色同灰色。

最後多謝Rive同明薏，仲有施工團隊每一位，感謝你哋一直以來嘅努力腦力同勞力。」