記得第一次歐洲旅行，特過別鍾意住B&B(Bed &Breakfast)。相信好多80後聽到呢句說話，都會有共鳴。原因，唔係為死慳死抵都要去一次歐洲，而係要感受歐洲homestay份特別warm感覺。冇錯，碎花布置、古典門框、柔和色彩，永遠觸動人心底，想每日置身其中生活，唔通真係咁難？今期「好揀宅」就搵到間市值200幾萬400幾呎唐樓單位，裝修費月供只需15k，就即可以俾番吧種B&B感覺你，歐洲？每天也猶如在家中！
1.為慳位加吧台
開放式廚房旁加上吧台設計，等業主可以直接吧台用餐，省卻擺餐檯位置。吧台底部為儲物櫃，多空間擺放廚具用品，絕對比普通餐檯更慳位。
2燈槽化橫樑
燈槽通常會放客廳牆邊位，但設計師t就橫樑位整個假天花裝上燈槽，以白色畫框圍邊，令橫樑變成裝飾品，即時解除「橫樑壓頂」感覺。
4.白色warm襯粉紅
當主人房以白襯暖色系粉紅色，會令本身冷冰冰房間增添一份warm感覺。床頭用上掛架代床頭櫃，冇壓迫之餘，亦可作擺設裝飾，令房間冇咁空洞。
Designer’s profile
室內設計師Albert Ho，設計情報中心設計經理，入行超過30年，設計兼顧300幾呎嘅蝸居以至2,000呎豪宅，作品多達約300間。
擅長設計風格強烈家居，用至抵價幫客人打造特色傢俬，塑造1間能夠凸顯屋主性格dream house。
3.主牆變儲物位
全屋儲物櫃用白色做主色，fresh之餘款式亦連貫，令屋企更開揚。而客廳梳化後用上白色儲物櫃做主牆，儲物位即時多，又可以做主題牆，一物二用。
5.隱形衣帽間
設計師把主人房3分1位置，間出小型衣帽間，再用門做間隔，設計方式可以將衣櫃同睡房分開，令間隔唔會亂，又可以滿足女主人擁有衣帽間夢想。
6.用鏡做裝飾
主人房門嵌入有花邊全身鏡，既實用亦可作門位裝飾。門側位加上薄身櫃位，增加儲物空間，玻璃櫃後配上薄紗窗簾，可以keep住通透感兼遮雜物，視覺上非常整齊企理。
鳴謝 New Monday 好揀宅 第594期 轉載 |
